...半年前朋友聚會，其中一位讀書最好的，毅然放棄筍工，投入全職炒股。當時很多人覺得佢好威、好型，唔使返工受氣，每日在家對住電腦炒幾個鐘就收錢。半年後睇世界盃再聚會，全職炒家極速「收咧」，半個月前已重返舊舖工作。坊間傳媒，不時報道所謂全職炒股賭神，與朋友傾談半句鐘，得他同意，披露四個月的非人炒股生活。
股場如球場，強如西班牙上半場霸氣十足，下半場被荷蘭打到落水狗，逆轉之快，無人能料，天堂跌落地獄只是眨眼間之事。
足球殘酷，股場更加殘酷，朋友選擇全職炒股，緣於去年贏得太順，「買銀娛、買騰訊，睇完圖食了幾轉，等股價回番又入過，細價股又扑中幾隻，唔夠半年就賺了三、四年人工……時間真係唔夠用，當時諗如果全心炒股睇technical，會賺得更多，且有四年人工做本，有本錢可守。」...
「昔日肯長揸，因為有份糧去守，現在卻變成飢不擇食，幾格都唔放過。變得太過計算，每日為trade而trade，明明冇心水，但見到隻股仔成交大異動，又不知不覺地買入，好似病態賭徒咁，輸part都輸死，唔夠一季輸了去年大部份利潤。技術分析完全失去效用，跌穿止蝕位打靶，就見底反彈，有種感覺就係連個天都唔鍾意我。」...
揀股最叻的基金經理、分析最獨到的分析師、所有冧巴都識的財演，全部都非全職炒股，要靠別人的錢搵錢，或者收取高薪厚職。誠如曾教授話齋，只有兩種人可以全職炒股，那就是莊家與莊家的好朋友。
節錄自15/6/2014<蘋果日報>
文章來源: http://hk.apple.nextmedia.com/financeestate/art/20140615/18759577
沒有留言:
發佈留言
注意：只有此網誌的成員可以留言。