.....
潮流不斷叫人「上車、上車」，它已成為香港未有樓的人的終極夢想，但上車之餘，唔好落錯車卻更重要，偏偏無人提醒如何落車，其實只要捉住一個重點，就可保安全。
落車的人，大多數覺得自己賺夠，樓價已經升無可升，樓市就快爆煲，係爆煲時再入市買平貨未遲；藍友斑身邊最近有好多人都落左車，但佢地之所以落車，性質幾乎一樣，就係佢地所落嘅車，係純粹投資用。
換言之，無論佢地點賣樓都好，都一定唔會賣走自住個間，而坊間出現「落車慘劇」的人，大多數係賣走自住個間，而轉去租樓。我正正有個親友係兩年前拜年時，講自己賣左層樓，依家租緊樓住，佢套theory同我上述的差唔多，覺得樓市高無可高，於是沽自住樓轉租；而直至今日佢仍然係租緊樓住。
其實係佢賣樓之前，我已經提過佢好幾次，因為佢層樓好快就供完，早年買落又大又四正，自住又唔使怕外圍升跌，認為市高而賣走佢，係非常不智；事實證明，同一個屋苑當年佢住緊三房套房單位，如今同一個價錢，只能買到兩房。
...
總言之，如果閣下只得一層樓自住，外面樓價升升跌跌，將這些數字都視之為過眼雲煙吧，可以做到高賣低買的人少之又少；賣樓再換樓係當你擁有多於一層物業時，先再考慮的事。
客觀而言，賣走自住樓係一種極大的賭博，除了輸錢之外，更慘的輸了時間，如果你有家室，落錯車隨時會影響埋家人，賭還賭，自己輸就好，如果賭到累了家人，就萬萬不可。
作者：藍友斑（建築師、合伙人，業餘寫作，夾雜新舊世代之間，寫盡港式生活故事）
文章來源:
沒有留言:
發佈留言
注意：只有此網誌的成員可以留言。