有老友埋怨我，話後悔聽從我的逢三退一，賣走了一些物業，現在不但買唔返，就算肯買都要多付印花稅，我對他說，還未輸錢，就已經埋怨我，再問他是否賣了最差的物業，千祈唔好同我講唔係，我說的逢三退一是要趁市況最好的時候賣走最差的物業，因為那時候才有機會，當賣走最差物業之後便要等，現在雖然樓價依然上升，但成交量大幅減少，要賣走最差的物業亦不容易，大部份業主又不忿低於市價賣，唯有等，最後是錯失了賣走最差物業的良機，不過，好似我朋友一樣，賣走物業之後就來埋怨我就大把，倘若樓價下跌，他便會對其他人說是如何英明神武，可以在市況最好的時候賣走手上最差的物業，逢三退一，是有抄家冇封榜的策略，千祈唔好推薦給其他人。
我問老友將賣走物業的錢投資什麼，答案是出乎意料之外，他說聽我講買388，升了一個開，今次輪到我嘈，話佢贏錢就唔記得我，賣走物業又識得投訴，如果唔賣走物業邊度有咁多錢買388，現在退一得二，應該請食飯，老友唯唯諾諾，我知道佢有賭仔性格，捨得賭唔捨得使，捨得買屋買玉，唔捨得煲豬肉，並且連姓都改埋，改姓賴，
其實，無論投資，賭錢都是一樣，別人給予的只是意見，決定權始終在自己手上，我阿嫲教我，最佳做法就是賺錢就要公開多謝，蝕錢就提都唔提，
所以，傳媒問我買388點解要話陸東教，點解唔認係新股神，我說，的確是陸東教我買388，他才是股神，我是估神，我想請佢食飯，但陸東已經去了環遊世界，等佢返嚟的時候再食。我記得我阿嫲教我的時候還說了兩句話，得人恩果千年記，得人花戴萬年香，似乎有點道理。
湯文亮
http://www.property.hk/article_content.php?author=PHK_TML2&type=&com=&id=37379
沒有留言:
發佈留言
注意：只有此網誌的成員可以留言。