...
財經演員以至專欄作家，每日或每周貼中好股，其實是一件吃力不討好的事。股榮也是財演，以筆名王昇每周寫一篇股票推介。過去一年，王昇推介了24隻股份，由推介持有至今，13隻升、11隻跌，平均回報18%。
如果每隻在推介日買10,000元，買入總成本24萬元，至今回報有4.32萬元。但表現最好的六隻（佔推介股份比例25%），已進貢3.1萬元利潤，佔全數利潤約七成。
當然可能是王昇功力未夠，令成績參差。再睇睇細價股專家周顯。周兄去年參加爽組合贏肥佬黎90萬，同樣每周在《蘋果日報》寫一篇稿。綜合2013年全年52周中，有接近一半時間（23周）吹水沒有貼股，其餘29次合計點名31隻股份，當中細價股（市價10億元以下）佔九成。
諷刺地，周顯推介股份中，由推介至年底埋單，贏大鑊的只有三隻，分別是思捷（330，回報61%）、中海發展（1138、回報71%）及比亞迪（1211、回報65%），其他推介細價股chok過林峯，表現虎頭蛇尾。
近期有網民揶揄「想贏錢，遠離財演」，論調恍如新同事提到「睇圖表冇鬼用」。的確，識睇圖唔代表識買股贏錢、專欄作家推介其實只視作參考指標之一，睇完後，沒人用槍指住要你買，好股貴精不貴多，要如何判斷，責任是自己。
誠如財演八成推介可能冇料到，但其餘兩成能夠贏大錢的，你卻可能輕視對待，贏錢唔見多謝，輸錢卻指摘抱怨，就算你遇上好股，也是奈何。
文章來源: http://hk.apple.nextmedia.com/financeestate/art/20140209/18619317
沒有留言:
發佈留言
注意：只有此網誌的成員可以留言。