一向也大力鼓吹，MPF 中，只需選指數基金，其他大部份基金可以當睇唔到。
向來坊間俚語有云：「有強姦，冇焗賭」，
但 MPF 便打破了這句老話，
全民焗賭。
更趣的是，MPF 是買基金的，
即是焗賭之餘，還不是你自己親手丟籌碼落賭檯之上，
而是「你焗住要賭、兼要焗住搵人代你賭」
由於現在「唔賭會犯法」，被焗賭時，咱們惟有盡量穩陣地賭。
指數基金好在欠缺人為操作，完全按指數比重變牽而機械化地轉換組合。
沒錯，你不會跑贏指數，但至少亦不會跑輸。
至於其他由「fund 佬」操刀的基金嘛，
即使你呢幾年 lucky 地揀到個幫你隻基金跑贏大市贏到上埋 WSJ 封面的 super fund man 又如何？
要是他劈炮唔撈、又或者夠鐘歸隱田園，
咁你又能否肯定接棒者不是一個只會接火棒的獃子？！
人人都知，「fund 佬」轉音樂椅的速度仲快過哪吒腳下對風火輪，
又有誰來保證，基金在不同人手下，都能長期維持高回報？
曾拜讀《Enough : True Measures of Money, Business, and Life》，
John Bogle 在他的著作中強調買指數基金，別買互惠基金，
惟看看 Bogle 的出身，他可是互惠基金界響噹噹的人物，
所領導的基金做過世界第二。
由這樣一個人物告訴你「買指數基金，別買互惠基金」，
服未？
沒有留言:
發佈留言
注意：只有此網誌的成員可以留言。